كيف تسوق للنفسك بأحس صوره في مقابلة العمل ''Interview Branding'' للتحصل على الوظيفه.

المقابلة الشخصية بالنسبة لكتير مننا هى رعب وكابوس وعائق بينه وبين الوظيفة اللى بنحلم بيها. 
الكتير منا يكرهون المقابلة الشخصية لانهم  يكرهون ان احد يقيمه او يحكم عليه, او خائف ان يسئل اسئلة لا يعرف جاوبها, او حتى خاءف من الرفض والفشل فى المقابلة الشخصية.
 فكر فى المقابلة الشخصية بمفهوم مختلف .
فكر فيها على انك بائع او تاجر وجتلك فرصة تقعد مع عميل من العملاء بتوعك عشان تبيع ليهم منتج معين, فى الحالة دى انت المنتج اللى بتحاول تبيعه والعملاء هم الشركات اللى نفسك تشتغل فيها والمقابلة الشخصية هى الفرصة اللى هتقابل فيها الشركات دى عشان تبيع ليهم نفسك كأحسن حد للوظيفة.
كيف تبيع نفسك فى المقابلة الشخصية وتفوز بالوظيفة بفكر التسويق ؟
                     : اعمل خطة تسويقية
قبل اى مقابلة شخصية اعمل بحث  عن 3 حاجات
الشركة :- اعرف كويس تاريخها ومين المنافسين الاكبر ليها وايه هى منتجاتها واهدافها الفترة اللى جاية واهم حاجة ايه اكبر مشكلة بتواجه الشركة حاليا عشان دى النقطة اللى ممكن تستغلها فى انك تبيع نفسك صح.
الوظيفة :- حاول تعرف اكبر معلومات ممكنة عن الوظيفة زى المهام والواجبات وايه هى متطلبات الوظيفة وايه الهدف منها فى الشركة وازاى هى بتساعد الشركة تحقق اهدافها.
الشخص اللى هيعملك المقابلة الشخصية:
مين هو وايه هو تاريخه او مساره المهنى وايه هى اهتماماته وكمان لو فى اى علاقات مشتركة ما بينكم وده تقدر تعرفه من حسابه الشخصى على وسائل التواصل الاجتماعى لو وصلت لاسمه.
كيف تسوق للنفسك بأحس صوره في مقابلة العمل ''Interview Branding'' للتحصل على الوظيفه.
:بيع نفسك بشكل مختلف 
المقابلة الشخصية هى فرصة تقدر تبيع فيها نفسك للشركة وتقنع الشخص اللى قدامك على انك احسن حد للوظيفة وتخليه يختارك انت ويستبعد اى حد تانى وده ممكن تعمله عن طريق الاتى:
 : المظهر الجيد
 المظهر الجيد لايعنى انك تكون لابس ملابس غالية الثمن ولكن لازم تكون ماشية مع بعضها وتتناسب مع مقابلة عمل بمعنى انك تكون لابس ملابس رسمية وشكلك كويس من اول قصة الشعر بالابتسامة وربطة العنق.
: بناء صداقة
 فى بداية المقابلة الشخصية وانت بتتعرف على الشخص اللى بيقابلك حاول تللاقى اى عوامل مشتركة ما بينكم او لو حتى عرفت عنها وانت بيعمل بحث عنه شخصيا قبل المقابلة وابتدى اذكر النقط دى وانك مهتم زيه بالموضوع المعين ده او بالرياضة دى او حتى انكوا اتخرجتوا من نفس الجامعة او الكلية وده هيخليك تتميز عن اى حد تانى بالنسبة ليه.
: قدم نفسك على انك حل لمشكلتهم
فى سؤال دايما بيتسأل هو انت ليه شايف نفسك احسن حد للوظيفة دى ودى هتبقى فرصتك انك تعرض ايه مميزاتك وخبراتك وازاى هتقدر تنجح فى الوظيفة دى وتحقق هدفها اللى انت عرفته قبل المقابلة وازاى كمان هتساعد الشركة تحل مشكلتها وتحقق اهدافها اللى انت بردو عرفتهم وانت بتعمل بحث عن الشركة.
: اثبت بالادلة
اثبت كل مهارة عندك او خبرة بدليل عن طريق انك تذكر موقف او تجربة مريت بيها واتحطيت فيها فى مشكلة معينة وحلتها بأستخدام مهارتك او خبرتك دى وايه كانت النتيجة عشان تقنع اللى قدامك بالمهارة او الخبرة دى. 
:خليك على تواصل
معظم الناس بتنتهى علاقتهم بالمقابلة الشخصية والشخص اللى قابلوه بمجرد انتهاء المقابلة ودول فرصتهم بتبقى اقل فا حاول تعلى فرصتك فى انك تتقبل للوظيفة عن طريق انك تحاول تتواصل مع الشخص ده بعد المقابلة وتبعتله جواب شكر على وقته وعلى مقابلته واذا امكن ممكن تضيفه على وسائل التواصل الاجتماعى وخصوصا لينكدان وده هيحليه يعرف عنك اكتر
ولازم تتابع معاه بعد المقابلة عشان تعرف النتيجة وممكن تكلمه بعدها باسبوع وتتواصل معاه بشكل شخصى لو موصلكش رد وده هيظهرله انك مهتم جدااا بالوظيفة وهيعلى فرصة انك تفوز بيها.
شكرا لتعليقك