حلول مشاكل التسجيل في مباراة لـ (ONE) مع بعض التوضيحات






اليوم يالاه اتصلت رقم الهاتق ديالهم باش يعطيوني الحلول ديال أغلب المشاكل لي وقعت لبعض الأعضاء فمختلف مراحل التسجيل وهادشي غادي نشاركو معاكم باش تعارفو شنو ديرو فحالة ماقدرتوش توصلوا معاهم:

– اول حاجة وهي بعض الاعضاء ملي كايعمرو المعلومات فالصفحة الاولى وكايبغيو يدوزو الثانية كايخرج ليهم هاد الميساج The specified URL cannot be found فالسيدة أكدت ليا أنه مابقاش كاين لي كان وقاعلو يعاود ويتسجل وإن شاء الله يدوزلو التسجيل مزيان فهوما جاربو من عاندوم ومقاتلي بلي ماخرجلومش، ولي حاول مرات عديدة ومادازتش ليه يعيط ليهم فهاد النمرة 05 22 66 80 82 وغادين يعطيوه شي حل اخر ( خاليو الاتصال بهم اخر حاجة بعدما تحاولو بزاف ديال المرات) .




– ثاني حاجة بالنسبة للاعضاء لي وقعلوم مشكل فالخطوة الثانية مابغاوش يتحطولوم الوثائق وخرجلم n° d’enregistrement بعدما خداواه من داك الميساج لي فيه Cliquez ici وصاردو الوثائق فالايميل ومن بعد توصلوا برسالة فيها أن Boîte de réception عمرت، فالسيدة أكدت لي أنه ليوم ماغاديش يبقى هاد المشكل يعني عاودو صاردوهوم فالعشية ولا غادة الصباح.
– ثالث حاجة بالنسبة للاعضاء لي نساو وصاردو غي الوجه الأول ديال البطاقة الوطنية ماشي مشكل مقبولة بلا ترجعو تصاردو المهم عاندوم هو السمية والكنية وتاريخ الازدياد.

– رابع حاجة الوثائق ديالكم عاندكوم الإمكانية دفعو الأصليين ولا غي نسخ بلا مايكونو égalisés.
– الوثائق المطلوبة ضروري تكون كل وثيقة بوحدها ف pdf ولا rar ولا Zip وكل وثيقة ماخصاش تكون فايتا 500ko فالحجم ديالها، وفالسمية ديالوم مايكونوش des caractères spéciaux مثلا .،:;-_/)!؟ ومن الأفضل تسميوهوم بحال هاكا: CIN + السمية والكنية ديالكم, CV + السمية والكنية ديالكم…




– Cv ضروري يكون فيه تصويرة ديالكم والعنوان والايميل ورقم الهاتف.
– قبل ماتبداو تسجلو وجدو جميع الوثائق المطلوبة وتأكدو من الحجم ديالوم واش هو هاداك عاد تسجلو ماشي حتى دوزو للمرحلة الثانية عاد تقلبو كيفاش توجدوهوم.
– اخر حاجة ايلا دازلكم كلشي مزيان فالتسجيل فالموقع بلا ماتصردو الوثائق ديالكم فهاداك الايميل هاداك داروه غي للناس لي وقعلوم شي مشكل فالموقع.

لي عاندو شي مشكل آخر من غير هادو مرحبا ايلا كان عندنا الحل غادي نجاوبو عليه بيه.
لي مايعرف شي حد وقاعلو شي حاجة من هادشي يدير سميتو فالتعليقات باش يعرف الحل المشكل ديالو.
وبالتوفيق والله يسر للجميييع




فالصورة الاولى المرفقة غاتلقاو الشعب المطلوبة مع La référence ديالها.

أول حاجة بالنسبة للتسجيل فمرحلة المعلومات الشخصية كاين جوج حاجات سولو عليهم بزاف ديال الأعضاء:
– Fonction كاديرو فيها الخدمة لي خدام فيها الأب ولا الأم ديالكم
– Organisme employeur كاديرو فيها السمية ديال البلاصة فين خدام فيها الأب ولا الأم ديالكم.
– Spécialité ماغاديش تلقاو تسيير المقاولات خصكم تختارو Autree من لائحة الاختيارات وكتبو Gestion des entreprises فخانة Autre(s) à préciser.

وبالنسبة للمرحلة الثانية لي خصكوم تحطو فيها الوثائق المطلوبة ردو البال لهادشي:
– كل وثيقة خصها تكون يا إما pdf ولا .rar ولا .zip كل وحدة فملف بوحدو.
– كل ملف ماخصوش يفوت 500ko فالحجم ديالو ماشي 500ko فالمجموع ديالوم كاملين.
– كل ملف ماخصوش يكون فيه – ولا / ولا ; من الاحسن تعطيواه سمية بحال هاكا Cv nom prenom, Cin nom prenom, Diplome nom prenom.




حلول خاصة بهاد المرحلة الثانية:
– باش تحاولو ولا تناقصو من الحجم ديال Les pdff ديالكم كاين هاد الموقع هو أحسن واحد وساهل بزاف:www.smallpdf.com .
– إيلا بغيتو تصوروهوم Pdf بلا ماتصكانيوهوم كاين واحد التطبيق سميتو CamScanner أولا tiny scanner.
– ايلا بغيتو ديروهوم rar ولا zip خص يكون عاندكوم واحد البرنامج سميتو winrarr ايلا ماكانش عاندكم يمكن ليكم ديروه هادا الرابط المباشر ديال التحميل:http://www.win-rar.com/…/winrar-versio…/winrar/wrar540fr.exe
– من بعد ماديرو suivant غادي يعطيكم فين تحطو Les piècess ديالكم ملي تختارو كل وحدة ديرو Joindre le fichier وفالأخير خص يعطيكم 3 ديال الأسهم باللون الاخضر كايعني بلي كلشي تحط مزيام وديرو Terminer .

فآخر مرحلة باش تعرفو راسكم تسجلتو كايخرجلكم داكشي لي كاين فالصورة الثانية المرفقة فهاد المنشور.




وآخر حاجة ايلا دوزتو المرحلة الاولى وعطاكم n° d’enregistrement وماعطاكمش البلاصة فين تحطو الملفات ديالكم تقدرو تصاردوهم فهاد الايميل ديالوم: RecrutementTTS@onee.ma وواجب عليكم ديرو فيه هاداك رقم التسجيل و La référence ديال l’offre فحالة ماخرجلكومش تقدرو تاصلو بيهم فهاد النمرة: 0522668082 ويقولوكم واش تسجلتو ولا لا وشنو خصكم ديرو يقدرو يعطيوكم حتى N° d’enregistrement ايلا دوزتو المرحلة الاولى مزيان. ويمكن ليكم ايلا عطاكم بلي ساباقلكم دفاعتو ترجعو للصفحة لي قبل تبدلو رقم البطاقة تزيدولو 0 قبل منها.

بالنسبة لتاريخ المباراة مازال ماتحدد وآخر أجل هو 05 يوليوز 2017.
ماتنساوش ديرو سميات ديال صحابكم لي غادين يدفعو فالتعليقات باش حتى هوما يعارفو شنو يديرو.
بالتوفيق والله يسر للجميع
حلول مشاكل التسجيل في مباراة لـ (ONE) مع بعض التوضيحات حلول مشاكل التسجيل في مباراة لـ (ONE) مع بعض التوضيحات Reviewed by Administration on الأحد, يوليو 02, 2017 Rating: 5
يتم التشغيل بواسطة Blogger.